مش هطول عليكو فى الكلام و خلـونـــا نشــوف أمثلة
***********
إنت في أوضتك .. على السرير و طافي النور و متغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟
(( أظن ده مش وضع الرقص يعني !!! واضح ان انا هنام ))
***********
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟
(( لا لسه فى الطريق ))
***********
والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه
(( !!! لاء دانا لسه راجع )) (بتضايقنى الحركة دى أوى)
***********
أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الكلية يا بيه ؟
(( لاء.... العربية واحشاني قلت اسلم عليها))
***********
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟
(( لا.. بتفرّج عليه ))
***********
مثلا : ماسك مذكرة أو كتاب وقاعد تحفظ ومتحمس (أول مره بقى) .. ييجى حد من البيت ويقولك: هاه... قاعد تذاكر ؟
(( تقوم تقفل الكتاب و تقوله لااااااااء بحب فى الكتاب))
***********
ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟
(( لاء.. كنت بعد فيها كام حباية )) (بتنرفزنى أوى بردو)
***********
ولاّ تعالــو شوفو قنواتنا الفضائية و اسئلتهم البديهية البايخة
برنامج اهداءات يتصل واحد يطلب أغنيه فلان
ترد عليه ست الكتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟
(( لأ.... مش بحبها و بتضايق لما اسمعها )) (بالذات مذيعات ال FM
***********
أو مثلا في العيد
المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير
(( أكيد يعني مش هيقولهم البقاء لله )) (سؤال بيضايقنى أوى ده)
***********
,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين
(( طيب هيا سابتلى ايه أقوله الرخمة دى؟ ))
***********
والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟
(( يعني أساسي الواد لسه ما طلعلوش عرق الندالة علشان يقول لاء وهو لو مكنش بيحبهم كان هيتصل بيك أصلا))
***********
وفى النهاية : احب انا اللى ارخم بقى و أسألكوا الموضوع حلو؟؟
طبعا واحد منكم هيتخنق و يقولى: لا وحش.......
كفاية كده عليكواااااا و علياا عشان دمى فاااااااار
موضوع: اسئله رخمه ولازم تسمعها افرى داى 
الأربعاء يوليو 29, 2009 5:45 pm
